1Ch 20 | ABGk | STEP | και εγένετο εν τω επιόντι έτει εν τη εξόδω των βασιλέων και απήγαγεν Ιωάβ πάσαν την δύναμιν της στρατιάς και έφθειρε την χώραν υιών Αμμών και ήλθε και περιεκάθισε την Ραββά και Δαυίδ εκάθητο εν Ιερουσαλήμ και επάταξεν Ιωάβ την Ραββά και κατέσκαψεν αυτήν

1 Chronicles 20

CHAPTER 20 David Strikes Ammon and the Philistines

1 και εγένετο εν τω επιόντι έτει εν τη εξόδω των βασιλέων και απήγαγεν Ιωάβ πάσαν την δύναμιν της στρατιάς και έφθειρε την χώραν υιών Αμμών και ήλθε και περιεκάθισε την Ραββά και Δαυίδ εκάθητο εν Ιερουσαλήμ και επάταξεν Ιωάβ την Ραββά και κατέσκαψεν αυτήν 2 και έλαβε Δαυίδ τον στέφανον του βασιλέως αυτών από της κεφαλής αυτού και ευρέθη ο σταθμός αυτού τάλαντον χρυσίου και εν αυτώ λίθος τίμιος και ην επί της κεφαλής Δαυίδ και τα σκύλα της πόλεως εξήνεγκε πολλά σφόδρα 3 και τον λαόν τον εν αυτή εξήγαγε και διέπρισε εν πρίοσι και εν σκεπάρνοις σιδηροίς και εν τριβόλοις και ούτως εποίησε Δαυίδ πάσι τοις πόλεσιν υιών Αμμών και ανέστρεψε Δαυίδ και πας ο λαός αυτού εις Ιερουσαλήμ 4 και εγένετο μετά ταύτα και εγένετο έτι πόλεμος εν Γαζέρ μετά των αλλοφύλων τότε επάταξε Σοβακχί ο Ουσαθί τον Σαπφί από των υιών των γιγάντων και εταπείνωσεν αυτόν 5 και εγένετο έτι πόλεμος μετά των αλλοφύλων και επάταξεν Ελέαναν υιός Ιαείρ τον Λαχμί αδελφόν Γολιάθ του Γεθθαίου και ξύλον δόρατος αυτού ως αντίον υφαινόντων 6 και εγένετο έτι πόλεμος εν Γεθ και ην ανήρ υπερμεγέθης και οι δάκτυλοι αυτού εξ και εξ είκοσι και τέσσαρες και ούτος ην απόγονος των γιγάντων 7 και ωνείδισε τον Ισραήλ και επάταξεν αυτόν Ιωναθάν υιός Σαμαά αδελφού Δαυίδ 8 ούτοι εγεννήθησαν Ραφά εν Γεθ πάντες ήσαν τέσσαρες γίγαντες και έπεσον εν χειρί Δαυίδ και εν χειρί παίδων αυτού